| 我的十年回顧 + 展望2010 
入左UW已經讀完一個quarter, 再唔係新生啦!
呢個fall quarter過得真係快, 2009年過得仲快!!
又一年. 原來真係要"計", 先發現中學畢左業已經4年半!
其實10年要過去, 真係好容易 但係又好唔容易.
10年前既而家, 係準備上中學既我!
感覺真係唔係好耐之前既事,
係中學既5年, 係過得最開心既
冇煩惱既日子, 的確只有小時候!!
呢5年, 絕對係打造今日既我既關鍵
係籃球場上, 係台上, 係堂上, 我都學到無限咁多
真係感謝入左fkyc既呢個決定,
每一個經歷都影響我好深. 而且我得到好多其實人得唔到既機會!
得到我好好既朋友. 一班一世都唔會厭惡既朋友
多謝學校老師校長同一班朋友對我既特別寵愛同照顧!!
到而家仍然冇時冇刻都掛住中學時既生活
中學既5年好快過左
畢業之後個年周圍做野. 做過好多唔同既工. 的確學到好多!!
第二年, 去左Ireland. 比我遇到人生中難得既另一對"爸爸媽媽"
真正為我切想既, 除左屋企人之後, 就係佢地~
一對金色頭髮, 藍綠眼睛既 Irish Dad and Mum
係Ireland生活既半年,
有一段絕對戲劇性而且嚴重影響某d人既人生既插曲
基乎唔相信會發生係當時只有17歲既我既身上~
雖然事情既結果去到冇得返轉頭既地步. 但絕對係一個一生難忘既經歷!
係Ireland既半年, 係我人身其中一大既轉捩點!
第三年, 終於正式回到學業既路上, 黎到seattle.
用左半年既時間讀好英文, 用年半既時間追返2年既野..
的確對當時既我. 係幾辛苦既事. 但係回頭望一望, 都只係小事吧!
呢2年就係咁樣, 係bellevue community college過左~ 開心既2年!
一年前既我, 同而家既我. 一年, 原來我進步左好多!!
第五年, 終於tran U, 入左UW. 對於唔係讀書料子既我
我都想讚一下自己!! 我竟然可以入到一間唔錯既學校!!
對於自己, 我最了解不過.
懶惰既我, 讀書一d都唔叻~ 同身邊既人, 學校周圍既人根本冇得比!
但係我仍然希望自己相信, 只要我唔懶, 我都可以去到我想到既地方.
雖然差距遠, 但係我而家仍然係我自己安排既路上走緊, 冇走失!!
我開心到喊!! 我竟然可以跟住我自己既希望, 意願去行, 每一步我都跟住走!
入左UW, 冇耐就入左Psych department. 冇諗過可以咁順利!
雖然之後要走既每一步會愈黎愈艱難, 但係我都只會向住同一個方向
因為我要走既路, 我既目標比任何人都清晰, 我自己既野, 我自己望得最清楚!
希望所有人都搵到一個比其他人都清晰既目標,
用自己既眼去望住, 用自己既腳去跟住. 總有一日可以去到最接近既地方!
到時候就要睇自己既能耐!!
可唔可以reach 自己既goal, 老實講, 唔係靠努力就可以達到.
去到某d階段, 實力先係決勝點!
岩岩過左係UW既第一個quarter......
我真係讀到一塌糊塗!!! 我都唔想再幫自己搵藉口...
我呢3個月, 真係好懶~~ 已經不能接受!!
2010
第1樣要做既, 就係毀滅自己既惰性!!!
呢2,3年, 發現自己既記性真係愈黎愈差, 差到我自己都有d驚!!
所以第2樣要做既, 就係要訓練記性!!!
我既生活作息錯到離哂大譜!!
第3樣要做既, 就係每日都要12點前訓著 (假期除外! keeke)
健康一定要注意, 我最大既問題就係唔飲水!
所以第4樣要做既, 就係每日都要飲水!!
(事關我可以連續幾日都唔飲一啖清水)
自從離開左bcc之後, 連僅餘既 friday badminton都冇埋
所以第5樣要做既, 就係每個星期都一定要去gym!!
搬左屋差唔多一個月, 開始好亂, 好污糟!!
所以第6樣要做既, 就係個個星期都要清屋企一次!!!!
識揸車好耐, 但係懶到唔願去報考
所以第7樣要做既, 就係winter quarter完之前要拎到diving licence!!
放低左既結他, 拎起手完全唔識彈, 望住小妹小弟打鼓彈琴, 音樂之心起!!
所以第8樣要做既, 就係要從新拾起我支結他,
summer返hk同小妹小弟夾band... wow~~
當然現階段最重要既係學業
所以第9樣要做既, 就係要一直拉高返個GPA (唔係keep住!)
仲有仲有
第10樣要做既, 就係順利跟住自己安排好既去完成呢一年既studying,
早一個quarter 畢業!!! 慳返8萬大元!!!!!!!!!!!
加多樣, 我要學煮飯!!!!!!!!!!!!!!!!!!
要多謝所有呢十年曾經係我身邊擦過既人, 一直逗留係我身邊既人!
你地都係我成長既一部分!! 親情, 友情, 愛情....各方面都有成長!
回望既十年, 原來我真係進步左好多, 成長左好多!
希望屋企人朋友們2010都身體健康, 開開心心!!
10年簡單既回顧, 俾左無限既力量比自己!!
人生的確冇幾多個十年, 10年之後再望一望呢篇10年回顧,
我希望自己覺得而家既我係做緊小事,
因為我希望10年後既我做緊既係大事!!
|
